Ang basahin ang Suratul-Ikhlaas at dalawang surah na pagpapaprotekta, Pagkatapos ay umihip sa kamay at punasan ang lugar ng sakit, at gawin ito ng 3 beses

• Sabihin mo: Siya ang Allah na ‘Ahad’ – Bukod-Tangi sa Kanyang pagka-Panginoon, Pagka-Diyos, at mga Katangi-ang taglay.

Ang Allah ay ‘As-Samad’ – ang Nagpapanatili at Nagkaloob ng mga kinakailangan ng lahat at Siya'y Ganap at walang pangangailangan.

Na hindi nagsilang at hindi isinilang.

At sa Kanya ay walang maihahalintulad.

• Sabihin mo: ako'y humihingi ng proteksyon sa Panginoon ng bukang-liwayway, mula sa kasamaan ng Kanyang mga nilikha, at mula sa kasamaan ng matinding kadiliman kapag kumalat na sa gabi. at mula sa kasamaan ng mga umiihip sa kanilang mga ibinuhol na tali ng pangkukulam, at mula sa kasamaan ng sinumang mainggitin kapag siya ay naiinggit ay nais niyang mapahamak ang kanilang kinainggitan.

[Salin ng Kapaliwanagan < Qur'an: Al-Falaq: 1-5]

• Sabihin mo: ako'y humihingi ng proteksyon sa Panginoon ng sangkatauhan, sa ‘Malikin-Naas’ – Hari ng sanfkatauhan, sa ‘Ilahin-Naas’ – Diyos ng sangkatauhan, protektahan Mo ako mula sa kasamaan ng nambubuyo sa oras ng pagkalimot ng tao sa pagkakaalaala sa Allâh, mga bumubulong ng tentasyon sa mga puso ng mga tao, mula sa mga ‘Shaytân’ na nagmula sa lahi ng ‘jinn’ at nagmula sa lahi ng tao.