5
Бешинчидан : Дуо қилувчининг емоқ-ичмоғи ҳаром касб ортидан топилган бўлмаслиги шарт. Чунки бу нарса дуони ижобат бўлишдан ман этадиган сабаблардандир. Абу Ҳурайрадан ривоят қилинган ҳадисда Расулуллоҳ соллаллоҳу алайҳи ва саллам бир кишини қуйидагича зикр қилдилар: “У соч-соқоли тўзғиган ва чанг-тўзонга ботган ҳолида узоқ сафар қилади. Қўлларини самога чўзиб: “Ё Раб, ё Раб!” дея дуо қилади. Ҳолбуки, еб-ичгани ҳаром, кийгани ҳаром, ҳаром билан озиқланган бўлади. Шундай экан, қаёқдан дуоси ижобат бўлсин?!” (Муслим ривояти, 1015).