‌ خوێندنی سووره‌تی ئیخلاس و فه‌له‌ق و ناس پاشان فوو کردن به ناو ده‌ستداو هێنانی به سه‌ر شوێنی ئێش و ئازاردا. ٣ جار ئه‌مه بکات.

«به ناوی خوای زۆر به‌خشنده و میهره‌بان. بڵێ ئه‌و په‌روه‌ردگاره‌ی که ناوی « اللّه»‍یه بێ هاوه‌ڵ و هاوتایه. خوای ده‌سه‌ڵاتدار و مه‌زن که پێویستی به که‌س نیه به‌ڵام هه‌مووان پێویستیان به‌و هه‌یه. که‌سی لێ نه‌بووه‌و خۆیشی له که‌س نه‌بووه. هه‌رگیز که‌سێک نه‌بووه هاوشان و هاوپله‌ی بێت و هه‌رگیزیش نابێت».

«به ناوی خوای زۆر به‌خشنده و میهره‌بان. بڵێ په‌نا ده‌گرم به په‌روه‌ردگاری سپێده ( و هه‌موو کاتێکی تر). له خراپه‌ی هه‌رچی به‌دیهێناوه. له خراپه‌ی شه‌و له‌و کاته‌دا که دێت و رووناکی له دنیادا نامێنێت. له خراپه‌ی جادووگه‌ران و سیحربازان که فوو ده‌که‌ن به گرێداو جادوو ده‌که‌ن. له خراپه‌ی به‌غێڵانیش له‌و کاته‌دا که به‌غێڵی ده‌به‌ن».

«به ناوی خوای زۆر به‌خشنده و میهره‌بان. بڵێ په‌نا ده‌به‌م به په‌روه‌ردگاری خه‌ڵکی. پادشا و گه‌وره‌ی خه‌ڵکی. په‌رستراوی راسته‌قینه‌و به‌حه‌قی خه‌ڵکی. له خراپه‌ی ئه‌وه‌ی که خه‌یاڵ و وه‌سوه‌سه ده‌خاته دڵه‌کانه‌وه و فرێده‌ری خه‌ته‌ره‌و وه‌سوه‌سه‌یه بۆ ناو دڵه‌کان. ئه‌و که‌سه‌ی خه‌یاڵ و وه‌سوه‌سه ده‌خاته سنگی خه‌ڵکیه‌وه. جا خه‌ڵکه‌که جنۆکه بن یان مرۆڤ (یان ئه‌وه‌ی وه‌سوه‌سه فڕێ ده‌دات جنۆکه‌ بێت یان مرۆڤ)».