نکات وشرطلرباردورکه دعاء خوانی چاغیده مراعات قیلیشی ضروری دور، وبولرقوییده گی لردن عبارت:

1- رقيه ودعائی که اوقوله دی باید که درست وکتاب وسنت دن آلینگن بولسه، لفظی ده یا اوقیش طریقه سیده شرک وبدعت وحرام دن اوزاق بولسه.

2- مسلمان كيشي نینگ تعلقی وایشانیشی خاص اوزپروردگاریغه بولسه وبیلسه که بودعاءاوقیشی فقط گنه سبب دورواراده الله بولماسه بونده قیسی تأثیریوق.

3- رقیه نی فقط تجربه اوچون قیلماسون بلکه جزم ایله بونی تأثیرقیلیشیغه ایمانی بولسون، وشوکبی رقیه قیلوچی وکیمسه غه که رقیه قیلینه دی اولرهم رقیه نینگ تأثیریغه وشول سبب دن شفاتاپیشیغه ایمانلری بولسون.

4- كامل قرأن كريم آيتلري شفا دور، الله تعالی دیدی: «وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ» [اسراء: 82] «قرآن دن هراول نرسه که شفا ومؤمنلرگه رحمت دور بیزتوشورورمیز». اما اول جاي لرنی که رقیه بولیشی واردبولگن اول بیرینچی درجه گه قرارتاپور.

5- يخشی سی شول که کسل انسان اوزینی اوزی رقیه قیلسون، زیراکه بول ایسه اونگا کوپراغ نفع بخش همده کوپراغ راست لیک واوزپروردگاریغه رازونیازویالباریشی گه دلالت قیلور، چونکه حضورقلب ونیت ده اخلاص نی بولیشی رقیه ده کتته تأثیرقالدورادور.