دعاءنی الله تعالی غه حمد وثناء وپیغمبریمیز صلی الله علیه وسلم غه درود ایتیش بیلن باشلاسون، بونی دلیلی رسول الله جنابلری نینگ صحابی سی فضالة بن عبید رضی الله عنه نی حدیثی دورکه اول ایته دی: رسول الله صلی الله علیه وسلم بیرکیشی نی دعاءسینی ایشیتدیلرکه اول اوزدعاءسیده الله گه حمد وپیغمبرگه درود ایتمه دی، شول اوچون رسول الله جنابلری «عَجِلَ هَذَا»: «بوکیشی تیزلی قیلدی». دیب سونگره اونی چاقیریب آلیب بوندای دیدیلر: «إِذَا صَلَّى أَحَدُكُمْ، فَلْيَبْدَأْ بِتَمْجِيدِ رَبِّهِ جَلَّ وَعَزَّ، وَالثَّنَاءِ عَلَيْهِ، ثُمَّ يُصَلِّي عَلَى النَّبِيِّ صَلَّى اللهُ عَلَيْهِ وَسَلَّمَ، ثُمَّ يَدْعُو بَعْدُ بِمَا شَاءَ»: «قچان که سیزلردن بیرینگیزدعاءقیلسه اوزدعاءسینی الله تعالی حمد وثناء وپیغمبرغه درود بیلن باشلاسون سونگره اوزتیلاکینی تیلاسون».

شوباعث اوزدعاءسینی الله تعالی حمد وثناسی بیلن باشلاسه اینیقسه سوره لرنی ابتداء سیده کیلگن حمد آیتلری -قندای که کینچه اول بیان بوله دی- سونگره رسول الله جنابلری غه درود ایتسه قبول بولیش لیک که زیاده یقین راغ دورالبته.