طهارتی بولسون، یعنی قندای که نمازاوچون طهارت قیلورانه شونینگ دیک دعاء اوچون هم طهارت آلسون، بونینگ دلیلی صحیحین ده وارد بولگن ابوموسی رضی الله عنه نینگ اوزعمکی سی ابوعامررضی الله عنه بیلن بولگن داستان وحدیثی دیر، چنانچه بوحدیث ده ابوعامرابوموسی رضی الله عنه گه وصیت قیله دورکه اونی اوچون رسول الله جنابلریدن دعاء طلب قیلسون، دعاءطلب قیلینگنده رسول الله جنابلری سوتیلب وضوقیلیب ایکله قولینی بلند کوتاریب بوندای دیدی: «الّلهُمَّ اغْفِرْ لِعُبَيْدٍ، أَبِي عَامِرٍ»: «بار الها، ابوعامربنده نگنی کیچیرگیل».
جنابلری شونچه قول لرینی یوقاری کوتاردی که حتی مین بغل لرینی تاگیده گی آق لیک نی کورورایردیم، سونگره ینه دیلر: «اللّهُمَّ اجْعَلْهُ يَوْمَ الْقِيَامَةِ فَوْقَ كَثِيرٍ مِنْ خَلْقِكَ، أَوْ مِنَ النَّاسِ»: «بار الها، قیامت کونی بونی مرتبه ومقامینی کوب آدم لردن یوقاری قیلگیل، دیب کیلیب دیر.». بخاری روايتى (4323) و مسلم روايتى (2498).