میں اپنا رخ پوری طرح اوس ہستی ول کرناں جس نے آسماناں تے زمین نوں پیدا کیتا، تے میں شرک کرن والیاں وچوں نئیں۔ میری نماز، میری قربانی، میری زندگی تے میری موت اللہ لئی اے جیہڑا سارے جہاناں دا رب اے، اوہدا کوئی شریک نئیں، مینوں ايدا ای حکم دتا گیا اے تے میں حکم منن والیا وچوں آں۔ میریا اللہ! توں بادشاہ ایں، تیرے علاوہ کوئی معبود نئیں، توں میرا رب ایں، تے میں تیرا بندا آں، میں اپنے آپ تے ظلم کیتا، میں اپنے گناہ دا اعتراف کرناں، ، میرے ساریاں گناہواں نوں معاف کر دے، تیرے سوا ہور کوئی وی نئیں جیہڑا گناہواں نوں معاف کر دا ہووے۔ توں چنگے اخلاق ول میری رہنمائی کر، تیرے سوا کوئی وی اوہناں ول رہنمائی نئیں کردا، برے اخلاق میرے توں دور کر دے، تیرے سوا کوئی ہور بُرے اخلاقاں نوں میرے توں دور نئیں کر سکدا۔ اللہ! میں حاضر آں، تے میں تیرا فرماں بردار آں، خیر ساری دی ساری تیرے ہتھاں وچ ا ے، تے شر دی نسبت تیرے ول نئیں کیتی جاندی، میرا وجود تیری وجہ نال اے ، تے میں تیرے ای سپرد آں، تیریاں برکتاں بہت زیادہ تے توں بہت ای بلند ایں، میں تیرے کولوں بخشش منگنا، تے میں تیرے توں توبہ کرداں۔

ایہہ نماز دے شروع دیاں دعاواں وچوں اک دعا اے، خاص طور تے تہجد دی نماز وچ