* دم لئی کچھ شرطاں تے یاد رکھن والیاں گلاں نیں جنہاں دا خیال رکھنا ضروری اے، تے اوہ ایہہ نیں:

1۔ دم کتاب و سنت توں ثابت ہووے، تے دم دا طریقہ تے اوہدے الفاظ شرک، بدعات تے حرام چیزاں توں دور ہون۔

2۔ مسلمان اپنے رب نال تعلق رکھے تے اوہدے تے بھروسہ کرے، تے ایہہ گل جان لوے کہ دم تے بس اک سبب اے، اللہ دے حکم دے بغیر ایہدے وچ اپنا کوئی اثر نئیں ۔

3۔ دم نوں آزمان دی خاطر نہ کرے، بلکہ اوہدے اثر تے یقین رکھے، دم کرن والا تے جِہدے اُتے دم کیتا جا ریا ہووے، دونویں دم دی تاثیر تے اوہدے ذریعے شفا تے یقین رکھن۔

4۔ قرآن کریم دیاں ساریاں آیتاں شفا نیں۔ اللہ تعالی دا فرمان اے: "اسی قرآن وچوں اوہ چیز اتارنے آں جیہڑی مومناں واسطے شفا تے رحمت اے"۔ پَر جنہاں آیتاں دے بارے وچ آیا اے کہ اوہ دم نیں اوہناں دے نال دم کرنا بہتر اے۔

5۔ مریض واسطے افضل اے کہ اوہ اپنےتے آپ دم کرے، کیونکہ ایہہ اوہدے لئی زیادہ مفید اے تے ایہدے نال اوہدی اپنے رب دے سامنےمحتاجی تے ضرورت مندی دا زیادہ سچے انداز وچ اظہار ہندا اے، کیونکہ دم وچ دل دی توجہ تے اخلاصِ نیت دا بڑا اثر ہندا اے۔