٥
اللہ کولوں دعا کردیاں ہویاں اوہ اللہ توں چنگا گمان رکھے، تے دعا دی قبولیت دا یقین رکھے، تے دعا دی قبولیت وچ جلدی نہ کرے، بلکہ یقین رکھے کہ اللہ تعالی اوہدی دعا قبول کرے گا۔ ابوہریرہ رضی اللہ عنہ نبی صلی الله علیه وسلم توں روایت کردے نے کہ آپ صلی الله علیه وسلم نیں فرمایا:" بندے دی دعا قبول کیتی جاندی اے جدوں تک کہ اوہ کسے گناہ دی یا فیر قطع رحمی دی دعا نئیں منگدا ، جدوں تک اوہ جلدی نئیں کردا"۔ آپ صلی الله علیه وسلم توں پچھیا گیا کہ یا رسول اللہ! جلدی کرناں کیہ اے؟ آپ صلی الله علیه وسلم نے فرمایا کہ: " اوہ ایویں کہن لگ پوے کہ: "میں دعا کیتی اے، میں بڑی دعا کیتی اے، مینوں نئیں لگدا کہ اوہ میری دعا قبول کرے گا، فیر اوہ تھک جاوے تے دعا کرنا ای چھڈ دیوے "۔