اپنی دعا دا آغاز اللہ عز و جل دی ثنا تے اوہدے رسول صلی الله علیه وسلم اُتے درود نال کرے۔ کیونکہ رسول اللہ صلی الله علیه وسلم دے صحابی فَضالہ بن عُبید اپنے توں مروی حدیث وچ بیان کردے نیں کہ رسول اللہ صلی الله علیه وسلم نے اک آدمی نوں سنیاں کہ اوہ اپنی نماز وچ دعا منگ ریا سی ، ایس طرح کہ اوہنے اللہ تعالی دی تعریف بیان نہ کیتی تے نہ ای نبی صلی الله علیه وسلم اُتے درود پڑھیا۔ ایہدے تے رسول اللہ صلی الله علیه وسلم نے فرمایا:" ایس بندے نے جلدی کیتی اے"۔ فیر آپ صلی الله علیه وسلم نے اوہنوں بلوایا تے اوہنوں فرمایا:" جدوں تواڈے وچوں کوئی نماز پڑھے تے اوہدا آغاز اپنے رب عز و جل دی بزرگی بیان کرن نا ل تے اوہدی ثنا نال کر ے۔ فیر اوہ نبی صلی الله علیه وسلم تے درود پڑھے، فیر اوہدے بعد جو چاہوے دعا کرے۔
اگر اوہ نماز دا آغاز اللہ دی ثنا دے نال کردا، خاص طور تے حمد دیاں اوہناں آیات نال جیہڑیاں سورتاں دے شروع وچ نیں- اَگے اوہناں دا ذکر آئے گا - فیر اوہ نبی صلی الله علیه وسلم تے درود پڑھدا ، تے فیر اللہ تعالی دی مختٖلف طرح دی ثنا کر دا جِہدے وچوں کچھ دا ذکر عنقریب آئے گا، تے اوہدی دعا زیادہ قبول ہندی۔