ساریاں تعریفاں اوس اللہ واسطے جیہڑا ساریاں جہاناں دا رب اے، تے صلوۃ و سلام اوہدے عزتاں والے رسول تے ، تے اوہناں دی آل دے اُتے، تے ساریاں صحابہ تے۔ ایہہ اک سوہنی کتاب اے، ایہدے وچ مختلف قسم دیاں جامع دعاواں نیں (اللہ تعالی دی ثناء ، قرآن دیاں دعاواں، نبی صلی الله علیه وسلم دیاں دعاواں، نبی صلی الله علیه وسلم دے تعوذات، شرعی دم ، تے صبح شا م دے اذکار)، ایداں ای دعا دے آداب وی ایہدے وچ نیں ۔ میں اپنی پوری کوشش کیتی اے کہ صرف صحیح دعاواں دا انتخاب کراں ، تا کہ مسلمان پوری کوشش تے یکسوئی نال اوس طراں ای دعا کرے جس طراں کتاب و سنت وچ دعاواں آیاں نیں ، جنہاں وچ بہت زیادہ خیر اے۔ میں ہر دعا نوں عربی زبان وچ لکھیا اے، تے اوہدا پنجابی زبان وچ ترجمہ دتا گیا اے، تے نال نال دعا دے تلفظ نوں وی لکھ دتا گیا اے۔ کتاب دے آخر وچ میں دعاواں دیاں احادیث دی تصحیح نوں وی ذکر کر دتا اے۔ میں اللہ توں دعا کرناں کہ اوہ ایس عمل نوں خالصتا اپنی ذات کریم واسطے بنا دَوے، تے صلاۃ و سلام ہووے ساڈے نبی محمد صلی الله علیه وسلم اُتے ، تے آپ صلی الله علیه وسلم دے ساریاں صحابہ اُتے۔
ڈاکٹر عبد اللہ بن حمود الفریح