“ឱអល់ឡោះជាម្ចាស់! ដោយការដឹងរបស់ទ្រង់ចំពោះប្រការអាថ៌កំបាំងទាំងឡាយ និងសមត្ថភាពរបស់ទ្រង់ដែលខ្លាំងពូកែលើសគេទាំងអស់! ប្រសិនបើទ្រង់ដឹងថា ការរស់រានមានជីវិតរបស់ខ្ញុំ គឺវាល្អសម្រាប់ខ្ញុំនោះ សូមទ្រង់មេត្តាទុកអាយុជីវិតដល់ខ្ញុំ(បន្តទៀត)ផងចុះ ហើយប្រសិនបើទ្រង់ដឹងថា ការរស្លាប់របស់ខ្ញុំ គឺវាល្អសម្រាប់ខ្ញុំនោះ សូមទ្រង់មេត្តាដកយកអាយុជីវិតរបស់ខ្ញុំចុះ។ ឱអល់ឡោះជាម្ចាស់ សូមទ្រង់មេត្តាផ្តល់ឲ្យខ្ញុំនូវការកោតខ្លាចទ្រង់ទាំងក្នុងទីសាធារណៈ(ដែលគេមើលឃើញ) និងកន្លែងស្ងាត់កំបាំង(ដែលគ្មាននរណាមើលឃើញ) ហើយសូមទ្រង់មេត្តាផ្តល់ឲ្យខ្ញុំនូវពាក្យសម្តីដែលល្អត្រឹមត្រូវ ទាំងក្នុងពេលសប្បាយ និងក្នុងពេលខឹងសម្បារ។ សូមទ្រង់មេត្តាប្រទានឲ្យខ្ញុំនូវភាពរីករាយជានិច្ចនិរន្តផងចុះ។ សូមទ្រង់មេត្តាប្រទានឲ្យរូបខ្ញុំមានការពេញចិត្តចំពោះព្រេងវាសនាទាំងឡាយដែលទ្រង់បានកំណត់ ផ្តល់ឲ្យខ្ញុំនូវភាពសុខស្រួលបន្ទាប់ពីខ្ញុំស្លាប់ និងផ្តល់ឲ្យខ្ញុំបានមើលឃើញវង់ភក្ត្ររបស់ទ្រង់ដោយភាពជក់ចិត្ត និងការនឹកនាចង់ជួបទ្រង់ផងចុះ។ ហើយសូមទ្រង់មេត្តាបញ្ចៀសរូបខ្ញុំអំពីគ្រោះថ្នាក់ពីសំណាក់អ្នកដែលបង្កគ្រោះថ្នាក់ និងភាពចលាចលរបស់អ្នកដែលធ្វើឲ្យគេវង្វេងផងចុះ។ ឱអល់ឡោះជាម្ចាស់! សូមទ្រង់មេត្តាសម្អិតសម្អាងពួកយើងដោយសេចក្តីជំនឿ និងធ្វើឲ្យពួកយើងក្លាយជាអ្នកដែលចង្អុលបង្ហាញដែលត្រូវបានគេចង្អុលបង្ហាញផងចុះ។