“ឱអល់ឡោះជាម្ចាស់របស់ពួកយើង! ការសរសើរទាំងឡាយ គឺសម្រាប់ទ្រង់ ព្រោះទ្រង់ជាអ្នកទ្រទ្រង់មេឃនិងផែនដី។ ការសរសើរទាំងឡាយ គឺសម្រាប់ទ្រង់ ព្រោះទ្រង់ជាម្ចាស់នៃមេឃជាច្រើនជាន់និងផែនដី ព្រមទាំងអ្វីៗដែលនៅក្នុងវាទាំងពីរ។ ការសរសើរទាំងឡាយ គឺសម្រាប់ទ្រង់ ព្រោះទ្រង់ជាពន្លឺនៃមេឃជាច្រើនជាន់និងផែនដី ព្រមទាំងអ្វីៗដែលនៅក្នុងវាទាំងពីរ។ ទ្រង់ជាម្ចាស់ដ៏ពិតប្រាកដ។ បន្ទូលរបស់ទ្រង់គឺពិត ការសន្យារបស់ទ្រង់ក៏ពិត ការជួបទ្រង់(នៅថ្ងៃបរលោក)ក៏ពិត ឋានសួគ៌ក៏ពិត ឋាននរកក៏ពិត បណ្តាណាពីទាំងឡាយ(របស់ទ្រង់)ក៏ពិត ណាពីមូហាំម៉ាត់ ក៏ពិត ហើយថ្ងៃបរលោកក៏ពិតដែរ។ ឱអល់ឡោះជាម្ចាស់! ចំពោះទ្រង់ហើយដែលខ្ញុំប្រគល់ខ្លួន ចំពោះទ្រង់ហើយដែលខ្ញុំមានជំនឿ ចំពោះទ្រង់ហើយដែលខ្ញុំពឹងផ្អែក ចំពោះទ្រង់ហើយដែលខ្ញុំវិលត្រឡប់ ផ្អែកលើភស្តុតាងដែលទ្រង់បានផ្ដល់មកអោយខ្ញុំដែលខ្ញុំជជែកជាមួយគេ ហើយចំពោះទ្រង់ដែលខ្ញុំកាត់សេចក្តី។ ឱអល់ឡោះជាម្ចាស់! សូមទ្រង់មេត្តាអភ័យទោសដល់ខ្ញុំនូវបាបកម្មដែលខ្ញុំបានសាងរួច និងបាបកម្មដែលខ្ញុំមិនទាន់បានសាង បាបកម្មដែលខ្ញុំសាងវាដោយលាក់បាំងបាបកម្មដែលខ្ញុំសាងដោយលាតត្រដាង និងបាបកម្មដែលទ្រង់ដឹងពីខ្ញុំ។ ទ្រង់គឺជាអ្នកដំបូងគេ និងជាអ្នកចុងក្រោយគេ គ្មានទេម្ចាស់ដែលត្រូវគេគោរពសក្ការៈដ៏ត្រឹមត្រូវ គឺមានតែទ្រង់ប៉ុណ្ណោះ “។